ആനമണ്ടത്തരങ്ങള്‍ പഴയൊരെണ്ണം: ചൊവ്വാദോഷം!

ആനമണ്ടത്തരങ്ങള്‍ പഴയൊരെണ്ണം: ചൊവ്വാദോഷം!

ഒരു ഗ്രഹം കേരളത്തിലെ വിവാഹങ്ങള്‍ക്ക് വേണ്ടി മാത്രം ഇറങ്ങിത്തിരിക്കുന്നു! ഹലോ! നമ്മുടെ 'ആനമണ്ടത്തരങ്ങള്‍' സീരീസിലേക്ക് സ്വാഗതം. ഇന്ന് നോക്കുന്നത് ഒരു പ്രത്യേക 'ദോഷം' - **ചൊവ്വാദോഷം** അഥവാ മംഗല്‍ ദോഷം / കുജ ദോഷം. കേരളത്തില്‍ വിവാഹാലോചനകള്‍ വരുമ്പോള്‍ പലപ്പോഴും കേള്‍ക്കുന്ന ഒരു വാക്കാണിത്. ജാതകത്തില്‍ ചൊവ്വ ഗ്രഹം 'തെറ്റായ' ഭാവത്തില്‍ നില്‍ക്കുമ്പോള്‍ (ലഗ്‌നത്തില്‍ നിന്ന് 1, 2, 4, 7, 8, 12 എന്നിവയില്‍) ദാമ്പത്യജീവിതം തകരാറിലാകുമത്രേ - വഴക്ക്, വിവാഹമോചനം, ഭാര്യയുടെയോ ഭര്‍ത്താവിന്റെയോ മരണം വരെ! പക്ഷേ, ഇത് ശാസ്ത്രീയമായി പരിശോധിച്ചാല്‍? ഒരു വലിയ ആനമണ്ടത്തരം മാത്രം! ങേ....ആര്?.............ഏത്.................... ഒരു വയസ്സുതൊട്ട് സ്വാമിയേ...... ശബരിമലപ്പോ..................എന്ന് വിളിക്കുന്നവന് എന്ത് ശാസ്ത്രീയ ചിന്ത..........എങ്കിലും.....നോക്കാം.

ചൊവ്വ എത്ര അകലെയാണ്? ചൊവ്വ (Mars) ഭൂമിയില്‍ നിന്ന് ശരാശരി **22.5 കോടി കിലോമീറ്റര്‍** അകലെയാണ്. അടുത്ത് വരുമ്പോള്‍ 5.6 കോടി കിലോമീറ്റര്‍, ഏറ്റവും അകലെ 40 കോടി കിലോമീറ്റര്‍. ഒരു സെക്കന്റില്‍ ഏകദേശം 3 ലക്ഷം കിലോമീറ്റര്‍ വേഗതയില്‍ സഞ്ചരിക്കുന്ന വെളിച്ചത്തിന് അവിടെ നിന്ന് ഇവിടെ എത്താന്‍ **3 മുതല്‍ 22 മിനിറ്റ് വരെ** വേണം! (ഒരുകുഞ്ഞ് ജനിക്കുന്നതറിഞ്ഞ് ശരാശരി പത്ത് മിനിറ്റ് മുമ്പേ അവിടെനിന്നും പുറപ്പെടണം. എങ്കിലേ കുഞ്ഞ് ജനിക്കുന്ന സമയത്ത് ഇവിടെത്താന്‍ കഴിയൂ...... ഇപ്പോള്‍ ചിന്തിച്ചു നോക്കൂ: ഈ ദൂരത്തില്‍ നിന്ന് ഒരു ഗ്രഹം (ഒരു പാറക്കല്ല് മാത്രം!) കേരളത്തിലെ ഒരു ചെറുപ്പക്കാരന്റെയോ ചെറുപ്പക്കാരിയുടെയോ ജാതകം നോക്കി, 'അയ്യോ, ഇവരുടെ വിവാഹം തകരാറാകണം!' എന്ന് തീരുമാനിച്ച് ഇടപെടുന്നു. ലോകത്ത് 800 കോടി ആളുകള്‍ ഉണ്ട്. അവരില്‍ ആര്‍ക്കും ഇങ്ങനെ ഒരു 'ദോഷം' ഇല്ലാതെ സന്തോഷമായി ജീവിക്കുന്നു. പക്ഷേ, ചൊവ്വയ്ക്ക് കേരളത്തിലെ ഹിന്ദു വിവാഹങ്ങള്‍ മാത്രം പ്രത്യേകം ഇഷ്ടമാണോ.........? അതോ, ഗ്രഹം ഒരു സൂപ്പര്‍ കമ്പ്യൂട്ടര്‍ ഉപയോഗിച്ച് ലക്ഷക്കണക്കിന് ജാതകങ്ങള്‍ സ്‌കാന്‍ ചെയ്ത്, 'ഇന്ന് രാമന്റെയും സീതയുടെയും വിവാഹം തകര്‍ക്കാം' എന്ന് തീരുമാനിക്കുന്നോ? ശാസ്ത്രം പറയുന്നത്: ഗ്രഹങ്ങള്‍ക്ക് ഗുരുത്വാകര്‍ഷണം മാത്രമേ ഉള്ളൂ. അത് എങ്ങനെയാണ് നമ്മുടെ കേരളത്തിലെ ചിലരുടെ ജീവിതത്തെ ബാധിക്കുന്നത്?

ശാസ്ത്രീയ പഠനങ്ങള്‍ പറയുന്നത് ?

 ജ്യോതിഷത്തെ പരിശോധിച്ച നിരവധി പഠനങ്ങള്‍ കാണിക്കുന്നത്: ജാതകപ്രകാരം 'ദോഷം' ഉള്ളവരും ഇല്ലാത്തവരും തമ്മില്‍ ജീവിതത്തില്‍ സന്താനങ്ങളുടെ കാര്യത്തിലും, മാനസികാരോഗ്യത്തിന്റെ കാര്യത്തിലും, ജീവിത വിജയങ്ങലുടെ കാര്യത്തിലും ദോഷമുള്ളവരേക്കാള്‍ ദോഷമില്ലാത്തവര്‍ മെച്ചപ്പെട്ട ജീവിതം നയിക്കുന്നു. ഇന്ത്യയില്‍ തന്നെ ചൊവ്വാദോഷം കണക്കാക്കുന്ന രീതി സംസ്ഥാനം തോറും വ്യത്യസ്തമാണ് - വടക്കേ ഇന്ത്യയില്‍ ചില ഭാവങ്ങള്‍ ഒഴിവാക്കുന്നു. അപ്പോള്‍ ചൊവ്വ കേരളീയ റൂള്‍സ് പ്രത്യേകം പഠിച്ചോ?
ഇത് ഒരു **സ്ഥിരീകരണ പക്ഷപാതം** (confirmation bias) മാത്രം. നല്ല വിവാഹങ്ങള്‍ ആയിരക്കണക്കിന് ഉണ്ടെങ്കിലും, ഒരെണ്ണം തകര്‍ന്നാല്‍ 'ദോഷം കൊണ്ട്!' എന്ന് പറയും. മോശം വിവാഹങ്ങള്‍ക്ക് യഥാര്‍ത്ഥ കാരണങ്ങള്‍: സാമ്പത്തിക പ്രശ്‌നങ്ങള്‍, മനസിലാക്കല്‍ ഇല്ലായ്മ - ഇവയൊന്നും ഗ്രഹങ്ങള്‍ക്ക് പരിഹരിക്കാനാവില്ല.
പരിഹാരങ്ങള്‍ - ഒരു ബിസിനസ് മോഡല്‍!
'ദോഷം' കണ്ടാല്‍ ജ്യോതിഷികള്‍ പറയും: കൊട്ട കമഴ്ത്തൂ...........കടുംപായസം നിവേദിക്കൂ, അര്‍ദ്ധനാരീശ്വര പൂജ ചെയ്യൂ... ചിലര്‍ 'ദോഷം തുല്യം' ഉള്ളവരെ കല്യാണം കഴിച്ചാല്‍ മാറുമെന്ന് പറയും. അപ്പോള്‍ രണ്ട് പേരുടെ ദോഷം കൂടി ചൊവ്വ ഇരട്ടി ശക്തിയോടെ ആക്രമിക്കില്ലേ? ലോകത്ത് ജ്യോതിഷം ഇല്ലാത്ത സമൂഹങ്ങള്‍ സന്തോഷമായി ജീവിക്കുന്നു - ചൊവ്വ അവരെ ഒഴിവാക്കിയോ?
ഇത് സമൂഹത്തിന് ഉണ്ടാക്കുന്ന ദോഷം: നല്ല വിവാഹാലോചനകള്‍ മുടങ്ങുന്നു, മാനസിക സമ്മര്‍ദം, കൂടാതെ ധന നഷ്ട്ം, മാനഹാനി.......
വിവാഹജീവിതത്തെ ബാധിക്കുന്ന യഥാര്‍ത്ഥ ഘടകങ്ങള്‍, - പരസ്പര ധാരണയും സ്‌നേഹവും - ആശയവിനിമയം - സാമ്പത്തിക സ്ഥിരത - മാനസികാരോഗ്യം ഇവ മെച്ചപ്പെടുത്തിയാല്‍ ഏത് 'ദോഷവും' മാറും. ചൊവ്വയെ കുറ്റപ്പെടുത്തി ഇരുന്നാല്‍? ജീവിതം മാത്രം തകരും!
ചാത്തനേറ്: ഇതൊക്കെശരി ഇങ്ങനെ തിരിച്ചറിവുള്ള ഒരു പെണ്ണും ചെറുക്കനും കേരളത്തില്‍ വേണ്ടേ? ; ചൊവ്വ : 'ഞാന്‍ ഇവിടെ 22 കോടി കിലോമീറ്റര്‍ അകലെ പാറയായി കിടക്കുന്നു, നിങ്ങള്‍ സ്വന്തം പ്രശ്‌നങ്ങള്‍ക്ക് എന്നെ കുറ്റം പറയുന്നു!' കടവുളൈ ശിവദാസാ.....................
ഇനി അടുത്ത തവണ 'ചൊവ്വാദോഷം' കേള്‍ക്കുമ്പോള്‍ ഒന്ന് ചിരിച്ച്, ശാസ്ത്രം ഓര്‍ക്കൂ. സ്‌നേഹവും ധാരണയും മാത്രം മതി ഒരു നല്ല വിവാഹത്തിന്!

-കുട്ടിച്ചാത്തന്‍

മണ്ടത്തരങ്ങള്‍